الاثنين، 23 مايو 2011

على خطى المخلوع

يوم 25 يناير نزلنا الشارع وعرفناهم قوة الشعب الحقيقية فكان الرد منهم ..دول شوية عيال هبل دماغهم مغسولة يعنى ولازم نحتضنهم ومصر تختلف عن تونس واحنا مفيش على راسنا بطحة وهكذا فكان الرد مننا ...يوم 28 يناير جمعة الغضب رد قوى ومزلزل فكان المقابل من المخلوع هو اقالة وزارة نظيف و اعادة النظر فى الطعون الانتخابية..حلو اوى اوى اوى هى دى النقطة اللى انا عايزها

ده بقى يعتبر ضغط لأن المخلوع كان فاكر ان كل حاجة ف البلد بتاعته ودى مجرد احتجاجات  من فئة عريضة من الشعب ولا ترتقى الى ثورة فشئ طبيعى انه هيديلك حاجات لكن مش هيديلك كل حاجة.
ردنا عليه نزلنا لمدة 18 يوم متواصل وحصل اللى حصل وبقت نص ثورة ومشى المخلوع والمجلس والنخبة قالو للناس الميدان موجود وكل جمعة نبقى نعمل مليونية ونتفسح وناخد العيال ولب وترمس وحمص الشام  وعرقسوس ومراجيح مولد سيدى التحرير..  ده وش كدة اعتراف بأن دى مش ثورة واحتجاجات زى ماكان بيتعامل معاها ابو علاء وايضا اعتراف بأن المجلس السمكرى خاين زى مبارك وحاسس ان كل حاجة فى البلد ملكه وملك اتباعه الفاسدين والمغسدين ولكن فى اول كام يوم مكنش بيقدر يتكلم وحاطط ستين جزمة قديمة فى بقه لأنه بلا شرعية عشان مبارك هو اللى اداله الشرعية ومبارك فاقد الشرعية من الاساس وفاقد الشئ لايعطيه .. قعد المجلس يفكر اعمل ايه اعمل ايه ايووووووووة وجدتها انا اعمل استفتاء على اى حاجة انشالله كتاب ابلة نظيرة حتى واظبط شوية ناس معايا تدعو للتصويت بنعم فى مقابل مصالح شبه مستقبلية واطلع انا بنفسى فى التليفزيون ادعو للتصويت بنعم مع ان فى الحالتين نعم زى لأ مش فارقة يعنى... والناس قالت نعم على حاجة تانية خالص وبالتزامن مع ده يطلق كلابه يقولو ان الناس قالت نعم للمجلس السمكرى.. ويمشى هو بقى بالشرعية الفشنك المزورة اللى معاه اللى بأذن الله الشعب هيلفها ويبرمها ويحطهاله فى درجه.
بكدة هو بيديلنا اللى على مزاج امه وافترى وبقى يتعامل مع الناس على انهم هواء اديلهم اللى انا عايزه وعلى مزاجى واضرب فى الناس المحترمة والمع الاوساخ .. ولما الغضب يزيد اقول اعملو مليونية عشان تضغطو ..ضغط!! يبقى انت يامجلس تختلف ايه عن المخلوع ؟؟!! يبقى لازم تحصله وتقاسمه لقب المخلوع.

والمجلس السمكرى عمل بقى شغل جامد وعالى وجديد اوى وهو حفر حفرة للشعب عشان يقع فيها ..ازاى ؟؟!! .. اجى انا اجيب شوية من بتوع الحزب اللواطى اللاديمقراطى اللى اطلقو لحاهم مقاطعة لشركة لورد وجيليت ولبسوجلاليب قصيرة واقول عليهم سلفيين والوكيل والموزع الوحيد المعتمد من ربنا سبحانه وتعالى للدين وهم اساسا تلاقيهم مبيركعوهاش واقولهم ولعو فى كنيسة بمساعدة اولادى واخواتى البلطجية ..طبعا الدنيا تقوم ومتقعدش والكنيسة تقع ..اقوم انا اروح ابنيها واحسس الناس ان انا عملت انجاز ونفذت  هدف - مش مطلب- من اهداف النص ثورة .. ونخلص من الحفرة دى ندخل فى اللى بعدها واللى بعدها وهو عمل حفر كتير لكن بغباءه كان كل مرة هو اللى بيقع فيه اعمالا لمقولة من حفر حفرة للثوار الاحرار وقع فيها زى الحمار.


يقومو رجالته شغالين ويقولو نعمل جمعة وحدة وطنية ولا جمعة اى هبل فى الجبل واهى اسابيع بتعدى وايام بتروح والناس هتهدى وهتنسى  طعم الغضب والثورة.
واما ننزل على هدف عايزين نحققه والناس تكتر واصرارها يزيد عليه .. واحنا فى الميدان يعلن تنفيذه بلا اى تفاصيل ولما نروح بالليل او تانى يوم  يفرغ اللى قاله من مضمونه يعنى يحل الحزب اللواطى ويسيب اعضاءه احرار طلقاء , يعنى يحل امن الدولة ويسميه الامن الوطنى وهلم جرا


يسقط المجلس العسكرى خصوصا و يسقط حكم العسكرر عموما.. معادنا يوم 27 مايو
                                                                                            والله الموفق